នារសៀលថ្ងៃទី០៣ ខែមេសា ឆ្នាំ២០២៣ ឯកឧត្តម ឡោក ឆាយ អគ្គលេខាធិការស្តីទីព្រឹទ្ធសភា បានទទួលជួបពិភាក្សាការងារជាមួយនឹងលោក Wang Ke ប្រធានមូលនិធិ PEACELAND នៅសាលប្រជុំពិសេស៣ វិមានព្រឹទ្ធសភា។
សូមជម្រាបថា មូលនិធិ PEACELAND គឺជាអង្គការអន្តរជាតិមិនរកប្រាក់ចំណេញត្រូវបានបង្កើតឡើងក្នុង Peaceland Foundation ខែមេសា ឆ្នាំ២០១៨ សំដៅដោះស្រាយវិបត្តិមនុស្សធម៌ពិភពលោក និងវិបត្តិបរិស្ថាន ជាមួយនឹងកម្លាំងរុញច្រានដ៏អស្ចារ្យក្នុងការច្នៃប្រឌិត។ មូលនិធិបានចុះឈ្មោះជាមួយការិយាល័យកិច្ចការស៊ីវិលក្រុងប៉េកាំង Peaceland Foundation គឺជាមូលនិធិឯកជនមួយក្រោមការគ្រប់គ្រងរបស់ក្រសួងកិច្ចការស៊ីវិលនៃសាធារណៈរដ្ឋប្រជាមានិតចិន។ ចាប់តាំងពីបង្កើតឡើងមក ប្រតិបត្តិការរបស់មូលនិធិបានគ្របដណ្ដប់លើប្រទេសចិន កម្ពុជា ថៃ ស្រីលង្កាហ្ស៊ីមបាវ៉េ ម៉ូសំប៊ិក ម៉ាឡាវី អីរ៉ង់ លីបង់ និងប្រទេសជាច្រើនទៀត។
មូលនិធិនេះក៏បានជំរុញអង្គការសង្គមចិនផ្សេងៗ ឱ្យមានឥទ្ធិពលបន្ថែមទៀតលើបញ្ហាជំនួយមនុស្សធម៌ពិភពលោក ព្រមទាំងបានស្នើឱ្យចាប់ផ្តើមបង្កើតបណ្តាញស៊ីវិលចិនសម្រាប់ជំនួយមនុស្សធម៌អន្តរជាតិក្នុងឆ្នាំ២០១៩ និងគំនិតផ្តួចផ្តើមមនុស្សធម៌ និងការអភិវឌ្ឍន៍ប្រកបដោយនិរន្តភាព ហើយបានបង្កើតឡើងដោយសមាជិកស្នូល រួមមានអ្នកជំនាញដោះស្រាយវិបត្តិ អតីតឯកអគ្គរដ្ឋទូត អ្នកជំនាញការទូតសាធារណៈ និងសហគ្រិនជាដើម៕

ប្រភព៖ នាយកដ្ឋានព័ត៌មាន